Стратегиялық даму департаменті

Стратегиялық даму департаменті

Алматы технологиялық университеті университеттің стратегиялық даму бағыттарын қалыптастыруды, іске асыруды және мониторинг жүргізуді қамтамасыз ететін құрылымдық бөлімше болып табылады. Департамент білім беру және ғылыми қызмет сапасын арттыруға, университеттің ұлттық және халықаралық деңгейдегі бәсекеге қабілеттілігін нығайтуға, сондай-ақ сапа менеджменті жүйесін, талдау жұмыстарын және рейтингтік позициялауды дамытуға бағытталған.

Қызметінің негізгі мақсаты – білім беру сапасын басқарудың заманауи тетіктерін енгізу, аккредитациялық рәсімдерді сүйемелдеу, талдау қызметін дамыту және университеттің ұлттық және халықаралық рейтингтерге қатысу тиімділігін арттыру арқылы университеттің тұрақты стратегиялық дамуын қамтамасыз ету.

Департаменттің міндеттері:

• университеттің стратегиялық даму басымдықтарын қалыптастыру және іске асыру;
• білім беру сапасын ішкі қамтамасыз ету жүйесін дамыту және жетілдіру;
• стратегиялық жоспарлау, мониторинг және қызмет тиімділігін бағалау саласында университеттің құрылымдық бөлімшелерінің қызметін үйлестіру;
• білім беру бағдарламаларын институционалдық және мамандандырылған аккредитациядан өткізу үдерістерін ұйымдастырушылық-әдістемелік сүйемелдеу;
• университеттің сапа менеджменті жүйесінің жұмыс істеуін қамтамасыз ету және жетілдіру;
• білім беру, ғылыми, халықаралық және басқару қызметінің негізгі көрсеткіштеріне мониторинг жүргізуді ұйымдастыру;
• университеттің ұлттық және халықаралық рейтингтерге қатысуын әдістемелік тұрғыда сүйемелдеу;
• басқарушылық шешімдер қабылдау үшін талдамалық зерттеулер жүргізу, есептік және болжамдық материалдарды дайындау;
• сапаны басқару және стратегиялық даму бойынша үздік халықаралық тәжірибелерді енгізу;
• сапа мәде ниетін, академиялық ашықтықты және университет қызметінің нәтижелілігін дамыту;
• университеттің сыртқы сараптамалық, аккредитациялық және рейтингтік ұйымдармен өзара іс-қимылын үйлестіру.