Рейтингтер және аналитика бөлімі

Рейтингтер мен аналитика бөлімі

Қызметінің негізгі мақсаты – университеттің ұлттық және халықаралық рейтингтерге қатысуын әдістемелік тұрғыда тиімді сүйемелдеу, сонымен қатар университет қызметінің негізгі көрсеткіштері бойынша деректерді жүйелі түрде жинау, тексеру, талдау және ұсыну арқылы университеттің бәсекеге қабілеттілігін және халықаралық беделін арттыру.

Бөлімнің міндеттері:

• университеттің ұлттық және халықаралық жоғары оқу орындарының рейтингтеріне қатысуын үйлестіру;
• рейтингтік агенттіктердің әдістемелерін талдау және университеттің қызметін олардың талаптары мен бағалау критерийлеріне бейімдеу;
• университеттің білім беру, ғылыми, халықаралық және инновациялық қызметі бойынша статистикалық және аналитикалық деректерді жинау, тексеру және жүйелеу;
• деректерді рейтингтік агенттіктерге уақтылы дайындау және ұсыну;
• университеттің рейтингтегі позициясын мониторингтеу, көрсеткіштердің динамикасын талдау және рейтингке әсер ететін факторларды анықтау;
• университет басшылығы үшін рейтингтік көрсеткіштерді арттыруға арналған аналитикалық есептер мен ұсынымдар дайындау;
• рейтингтік деректерді ұсыну және нақтылау мәселелері бойынша университеттің құрылымдық бөлімшелерімен өзара іс-қимыл жасау;
• университеттің ұлттық және халықаралық деңгейдегі бәсекеге қабілеттілігін арттыруға бағытталған стратегиялық бастамаларды әзірлеуге қатысу;
• үздік халықаралық және отандық университеттердің қызметін салыстырмалы талдау арқылы үздік тәжірибелерді енгізу;
• университеттің рейтингтік көрсеткіштері бойынша ақпараттық-аналитикалық деректер базасын қалыптастыру.