Мансап орталығы

Мансап орталығы оқу-әдістемелік басқарманың құрылымдық бөлімшесі болып табылады, оның қызметі студенттерге кәсіптік тәжірибеден өтуге және АҚ «Алматы технологиялық университеті» түлектерін мүмкіндігінше жұмысқа орналастыруға көмек көрсетуге бағытталған.

Мансап орталығының міндеттері

• әлеуметтік әріптестікті кеңейту, АҚ «АТУ»-ы өндіріспен, жергілікті билік органдарымен, оның ішінде мемлекеттік жұмыспен қамту қызметі органымен, түлектердің еңбек нарығындағы жағдайын жақсартуға мүдделі қоғамдық ұйымдармен және бірлестіктермен байланыстарын нығайту;
• АҚ «АТУ» факультеттері мен кафедраларына студенттердің оқу және кәсіби (диплом алдындағы) тәжірибесін өткізуге жәрдемдесу;
• АҚ «АТУ» студенттері мен түлектеріне мансапты дамытуға және жұмысқа орналасуға көмек көрсету;
• түлектерді тікелей жұмысқа орналастыру бойынша АҚ «АТУ» құрылымдық бөлімшелерінің қызметін үйлестіру;
• аймақтағы және кәсіптік біліктілік жағдайындағы мамандарға сұраныс пен ұсыныстың арақатынасын анықтай отырып, еңбек нарығын талдау нәтижелері бойынша еңбек нарығындағы сұраныс құрылымын болжау.
• ұйымдастырушылық іс-шараларды өткізу (түлектер жәрмеңкесі, мамандандырылған ұйымдардың презентациясы, жұмыс берушілердің қатысуымен дөңгелек үстелдер, студенттерге арналған мастер-кластар мен экскурсиялар және т.б.).