22-25 қазан аралығында Алматы технологиялық университеті Алматы қаласының мектеп оқушылары үшін Ашық есік күндерін ұйымдастырған болатын.
Әдетте, Ашық есік күні университет туралы толық ақпарат алуға, студенттік өмірмен танысуға, қабылдау ережелері, оқу шарттары, студенттік практика және түлектердің жұмысқа орналасу мүмкіндіктері туралы білуге тамаша мүмкіндік. Дәл осы ашық есік күндері талапкердің көпшілігі үшін университетті мұқият таңдауға мүмкіндік береді.
АТУ ұйымдастырған ашық есік күні есте қаларлықтай өтті. Белсенді студенттер аудиторияны позитивті көңіл-күйге бөледі, ал мектеп түлектері өздерін бір күнге университет студентіетіп елестетіп, сезініп көрді.
АТУ студенттері талапкерлерді факультеттерде бар ең қажетті мамандықтарымен таныстырды,оның ішінде: «Азық-түлік өндірісі»; «Жеңіл өнеркәсіп және дизайн факультеті»; «Инженерлік-ақпараттық технологиялар факультеті»; «Экономика және бизнес факультеті» Сондай-ақ, түсіндіріліп жатқан мәліметтерді оқушылар интерактивті тақтадан көріп, оқуға мүмкіндік алды.
Сонымен қатар, АТУ белсенділері көрермендерге жағымды әсер қалдырды және өздерінің түрлі өнерлерін паш етіп, ән-би қойылымдарымен тәнті етті.
