Университетте жеңіл және тамақ өнеркәсібі экономикасы саласында мамандар даярлау өткен ғасырдың 70-жылдарында басталды.

Жамбыл жеңіл және тамақ өнеркәсібі технологиялық институтының бұрынғы Алматы филиалында директорының 1995 жылғы 10 шілдедегі бұйрығымен ҚР БҒМ 1995 жылғы 15 маусымдағы № 155 бұйрығын орындау мақсатында Экономика және менеджмент факультеті құрылды. 

Факультеттің бірінші деканы экономика ғылымдарының кандидаты, профессор Төлегенов Болат Төлегенұлы болды. Кейінгі жылдары факультетті э.ғ.к., профессор Қожамқұлов Тазабек; э.ғ.к., доцент Желдибаев Асан Егембердиевич; э. ғ. д., профессор Джолдасбаева Гульнара Каримовна; э. ғ. к., доцент Есайдар Урзада Серимовна басқарды.

Экономика ғылымдарының кандидаты, доцент Жангуттина Гульнар Олжабаевна АТУ-ға 10 жылдан астам өмірін арнады және 2010-2021 жылдар аралығында декан ретінде «Экономика және бизнес» факультетінің дамуы мен нығаюына зор үлесін қосты. Гульнар Олжабаевна, Г.В. Плеханов атындағы Ресей экономикалық университетімен қос диплом бағдарламасының ашылуына елеулі үлес қосты.

2021 жылдан 2022 жылға дейін факультет деканы PhD, қауымдастырылған профессор Мырзалиева Айменай Кеңесбаевна болды. Қазіргі уақытта факультетті PhD, қауымдастырылған профессор Абдраимова Диана Байшағылқызы басқарады. Деканның оқу работе жөніндегі орынбасары 2023 жылдан бастап қазіргі уақытқа дейін Жанар Сағатқызы Кирбетова болып табылады. 2018 жылдан бастап деканның тәрбие жөніндегі орынбасары болып Бекжанова Галия Асанбаевна тағайындалды.

Факультеттің дамуына белгілі ғалым, Қазақстан Республикасы Ұлттық Ғылым академиясының академигі Нәрібаев Құпжасар Нәрібайұлы – Қазақ КСР Жоғары және орта арнаулы білім министрі, Мемлекеттік комиссия төрағасының орынбасары зор үлес қосты. Қазақ КСР Министрлер Кеңесінің, Әл-Фараби атындағы Қазақ мемлекеттік университетінің ректоры., Қазақстан Республикасы Премьер-Министрінің кеңесшісі, 2002-2006 жылдар аралығында АТУ оқу-әдістемелік жұмыс және халықаралық байланыстар жөніндегі проректоры қызметін атқарған.

Факультет республикада алғашқылардың бірі болып 2003 жылы кредиттік оқыту жүйесі бойынша бакалаврларды даярлауға көшті. Бүгінгі таңда факультеттің профессорлық-оқытушылық құрамына 50 – ден астам оқытушы, оның ішінде 6-докторы, 28 ғылым кандидаты, 6 PhD докторы, 30-дан астам ғылым магистрі кіреді. Факультет студенттерді бакалавриат даярлаудың 7 бағыты, магистратураның  7 бағыты және докторантураның 3 бағыты бойынша дайындайды.

2014 жылдан бастап Қазақстан-Швейцария туризм, мейрамхана және қонақ үй бизнесі институтының базасында қос дипломдық білім беру бағдарламасы бойынша «Туризм», «Мейрамханалық бизнес және қонақ үй бизнесі» мамандарын даярлау бағыттары бойынша оқыту басталды.

2016 жылдың шілдесінде Г. В. Плеханов (Мәскеу қ.) атындағы Ресей Экономикалық университетімен «Экономика», «Қаржы», «Мейманхана ісі» білім беру бағдарламалары бойынша қос дипломды бағдарламаны іске асыру мақсатында келісімшартқа қол қойылды.

Факультет түлектері Қонақжайлылық индустриясы кәсіпорындарында, қаржы институттарында, Ұлттық банкте, сақтандыру және аудиторлық компанияларда, сондай-ақ Қазақстан Республикасы экономикасының барлық салаларында орта буын басшылары болып табысты жұмыс істейді.

Факультетте оқыту заманауи инновациялық әдістерді қолдана отырып классикалық білім берудің үздік дәстүрлері негізінде жүргізіледі.

Факультеттің даму перспективалары білім берудің ақпараттық технологияларын құруды және кеңінен енгізуді, электрондық оқулықтар мен оқу құралдарын, виртуалды зертханалық жұмыстарды енгізуді, сараптамалық, консалтингтік топтарды одан әрі құруды, инновациялық білім беру бағдарламаларын кеңейтуді көздейді.

Қазіргі таңда «Экономика және бизнес» факультеті нарықта сұранысқа ие мамандарды даярлауды жүзеге асыратын университеттің жетекші бөлімшелерінің біріне айналды. Бүгінде факультет құрамына келесі кафедралар кіреді: «Экономика және менеджмент», «Бухгалтерлік есеп және қаржы» және «Туризм және сервистік қызмет көрсету».