«Жібек жолы: цифрлық және интеллектуалды сән» атты Қазақстан-Қытай бірлескен зертханасын құру туралы келісімге қол қойылды

АТУ базасында Қазақстан-Қытай цифрлық сән зертханасының құрылуы - университетіміздің халықаралық серіктестігін дамытудың жаңа кезеңі.

АТУ делегациясы академиялық мәселелер жөніндегі проректор Картбаев Т.С. және халықаралық ынтымақтастық департаментінің директоры Алиярова М.Б. құрамында ҚХР-дың Ханчжоу қаласында өткен International Talent Academic and Industry Exchange Conference (Digital Fashion) халықаралық конференциясына қатысты. Іс-шара аясында Zhejiang Sci-Tech University (ҚХР) президенті Chen Wenxing, Қазақстан Республикасы Ғылым және жоғары білім министрінің кеңесшісі Мұқажанов Ұлар Оразғалиұлы, Қазақстан-Қытай білім беру, ғылым және технологиялық ынтымақтастық қауымдастығының Бас хатшысы Jialihasi Jiaerheng және жетекші бейінді университеттердің өкілдерімен кездесу өтті.

Кездесу барысында жоғары білім, ғылым және инновациялар саласындағы Қазақстан-Қытай ынтымақтастығын дамытудың стратегиялық бағыттары, бірлескен жобаларды іске асыру перспективалары және озық технологияларды білім беру және ғылыми-зерттеу қызметіне енгізу мәселелері талқыланды.

Келіссөздердің негізгі нәтижесі «Жібек жолы: цифрлық және интеллектуалды сән» бірлескен Қазақстан-Қытай зертханасын (China-Kazakhstan Silk Road Digital and Intelligent Fashion Joint Laboratory) құру туралы Келісімге қол қою болды. АТУ тарапынан Келісімге академиялық сұрақтар жөніндегі проректор Картбаев Т.С. қол қойды.

Зертхана сән индустриясында бірлескен зерттеулер мен жасанды интеллект технологияларын және цифрлық шешімдерді енгізу алаңына айналады.

Жеке жұмыс іс-шарасы аясында Zhejiang Sci-Tech University және АТУ өкілдері университетаралық өзара іс-қимылдың перспективалы бағыттарын, бірлескен білім беру және ғылыми жобаларды дамытуды, сондай-ақ академиялық байланыстарды кеңейтуді талқылады.

Өткізілген кездесулер АТУ-дың халықаралық позицияларын нығайтуға, ғылыми-білім беру әлеуетін дамытуға және қытайлық серіктестермен ынтымақтастықты кеңейтуге жаңа мүмкіндіктер ашады.