ДТжКТ және ЭжБ факультетінің түлектеріне диплом табыс ету салтанатты рәсімі өтті

Бүгін АТУ-да Дизайн, тоқыма және киім технологиялары, Экономика және бизнес факультетінің түлектеріне диплом табыс ету салтанатты рәсімі өтті. Биыл екі факультетті 556 түлек бітіріп шықты, олардың 68-і үздік диплом алды.

ДТжКТФ түлектері дизайн жасау, тоқыма материалдары мен жеңіл өнеркәсіп бұйымдарын әзірлеу саласында алған білімдері мен дағдыларын нарықта қолданады деп сенеміз. Бүгінгі таңда бұл мамандықтар сұранысқа ие және шығармашыл болып саналады.

Экономика және бизнес факультетінің жас мамандары Экономика, Қаржы, Есеп және аудит, Менеджмент, Мемлекеттік және жергілікті басқару, сондай-ақ Туризм және Мейрамхана-қонақ үй бизнесі салалары бойынша сапалы білім алды. Біздің түлектеріміз үшін еліміздің бизнесінің болашағы зор!

АТУ және біздің халықаралық серіктес жоғары оқу орындарымызбен бірлескен студенттер Aldo Galli Group еуропалық Дизайн институтының (Италия) және HTMI – Туризм және қонақ үй бизнесі институты (Швейцария), Г.Плеханов атындағы (Ресей) Ресей экономикалық университетінің қос дипломын алу мүмкіндігіне ие болды. Сондай-ақ, АТУ ректорының атынан үздік дипломдық жұмыстары үшін дәстүрлі құрмет грамоталарымен марапатталды.

Құрметті түлектер! Сіздер ересек өмірге қадам бастыңыздар! Үлкен өмір жолында мол табыс, сәтті бастамалар, жемісті де жеңісті күндер көп болуын тілейміз!