АТУ-да «GreenTech Horizon» жобасы аясында Жасанды интеллект және Виртуалды шындықтың инновациялық зертханасы ашылды
АТУ цифрландыру және «жасыл» технологияларды дамытуға бағытталған халықаралық күн тәртібін іске асыруда маңызды қадам жасады. Университет қабырғасында Erasmus+ бағдарламасының қолдауымен жүзеге асырылып жатқан «GreenTech Horizon» (GTH) жобасы аясында құрылған Жасанды интеллект және виртуалды шындық зертханасының салтанатты ашылуы өтті.
Ашылу салтанатын АТУ-дың ғылым және инновациялар жөніндегі проректоры, физика-математика ғылымдарының докторы, доцент Баходир Азимджонович Алиев жүргізді. Іс-шараға Қазақстанның жетекші жоғары оқу орындарының өкілдері мен АТУ-дың серіктес компаниялары қатысты.
Білім беру бағдарламаларын жаңарту: Құзыреттер үшбұрышы
Зертхананы таныстыру аясында АТУ-дың жаңартылған білім беру бағдарламалары ұсынылды. Оқу жоспарларын жаңғырту «құзыреттер үшбұрышы» қағидатына сәйкес жүзеге асырылуда, ол үш негізгі бағытты қамтиды:
- Жасыл дағдылар (Green Skills): экологиялық ойлау және тұрақты технологиялар;
- Цифрлық дағдылар (Digital Skills): жасанды интеллект, виртуалды шындық және үлкен деректермен жұмыс;
- Кәсіпкерлік дағдылар (Entrepreneurial Skills): инновацияларды коммерцияландыру және жобаларды басқару қабілеті.
Студенттік инновациялар көрмесі
Іс-шара қонақтарына АТУ студенттерінің ауқымды жобалар көрмесі ұсынылды. Ерекше назар келесі бағыттарға аударылды:
- Smart City (Ақылды қала): қалалық инфрақұрылымды автоматтандыруға арналған шешімдер;
- Виртуалды шындық: оқыту симуляторлары мен иммерсивті модельдер.
Техникалық жабдықталуы және білім беру үдерісі
Зертханалық кешен Erasmus+ «GreenTech Horizon» гранты аясында алынған заманауи жабдықтармен толық қамтылған:
- жасанды интеллект саласындағы есептеулерге арналған жоғары өнімді суперкомпьютер;
- соңғы буындағы VR-көзілдіріктер мен планшеттер;
- прототиптеуге арналған 3D-принтер;
- тепловизорлар мен арнайы датчиктер.
Бұл техникалық база «Ақпараттық жүйелер» және «Автоматтандыру және робототехника» кафедраларының студенттері үшін зертханалық және ғылыми-зерттеу жұмыстарын жүргізуде белсенді қолданылады. Жаңартылған пәндер білім алушыларға «жасыл» экономика саласындағы нақты кейстермен жұмыс істей отырып, озық технологияларды тәжірибе жүзінде меңгеруге мүмкіндік береді.
