ЭжБФ студенті, Әзімбек Мадина «Қазақ аруы 2026» байқауының финалына өтті

«Менеджмент» бағытындағы экономика және бизнес факультетінің студенті Әзімбек Мадина жыл сайынғы Ұлттық сұлулық және өнер байқауы «Қазақ аруы» байқауының финалына өтті! Көптеген үміткерлердің арасынан Мадина өзінің сүйкімділігі мен талантының арқасында байқау қазылар алқасын баурап алып, осы жылдың ең жарқын оқиғаларының бірі саналатын байқаудың басты сахнасына қарай қадам жасады.

2026 жылдың 2 қарашасында Республика сарайында «Қазақ аруы» байқауының Финалы өтеді. Студентімізді мақтан тұтамыз және оған «Қазақ аруы 2026» атағын жеңіп алуын тілейміз!