АТУ Интеллектуалды және инженерлік жүйелер факультетінің делегациясы Қазақстанның Бірінші инженерлік форумына қатысты.

АТУ форумында Интеллектуалды және инженерлік жүйелер факультетінің делегациясы: Орманбекова Айнур Алибековна, Интеллектуалды және инженерлік жүйелер факультетінің деканы; Жұмахан Нұржан Бейбітұлы және Серікқалиев Жұмажан Саинұлы, «Автоматтандыру және робототехника» кафедрасының сеньор-лекторлары қатысты.

Қазақстанның Бірінші инженерлік форумы аясында жобалаушыларды, энергетиктерді және кешенді қауіпсіздік саласындағы мамандарды біріктірген стратегиялық және салалық сессиялар өтті. Қатысушылар сыни инфрақұрылымның қауіпсіздігін қамтамасыз ету, жасанды интеллектіні енгізу, өнеркәсіптік нысандарды роботтандыру және автоматтандырудың өзекті мәселелерін талқылады.

Іс-шараға «Өнеркәсіптік робототехника» және «Роботтар және робототехникалық жүйелер» білім беру бағдарламаларының студенттері де қатысты. Болашақ инженерлер үшін форум өнеркәсіптің өзекті міндеттерімен жақынырақ танысуға, заманауи технологиялық әзірлемелер туралы білуге және кәсіби білімнің тәжірибеде қалай қолданылатынын көруге мүмкіндік берді.