АТУ делегациясы сапармен Пекин технология және бизнес университетіне барды (BTBU, Пекин қ., ҚХР).

АТУ делегациясы құрамында бірінші проректор, Нұрахметов Бауыржан Құмарғалиұлы және халықаралық қатынастар академиялық ұтқырлық басқармасының бастығы, Алиярова Мадина Бірлесқызы Пекин технология және бизнес университетіне (BTBU, Пекин қ., ҚХР) барып, BTBU басшылығымен және ғалымдарымен кездесу өткізді.
Кездесуде АТУ және BTBU презентациялары ұсынылды, сондай-ақ оқытудың жалпы бағыттары бойынша қос диплом бағдарламаларының мәселелері және студенттердің осы бағдарламаларға қатысу шарттары талқыланды. Тараптар АТУ тағам технологиялары факультеті мен дизайн, текстиль және киім технологиялары  факультетінің оқу жоспарларымен танысқаннан кейін талқылауды жалғастыру туралы келісті.
Кездесу соңында біздің университет өкілдері үшін BTBU оқу және ғылыми зертханалары бойынша экскурсия өткізілді.