АТУ-да Қазақстанның эндаумент-қорларының IV кәсіби кездесуі өтті.

Іс-шара нысаналы капиталдарды инвестициялау мәселелеріне, Қазақстан мен Ресей арасындағы тәжірибе алмасуға, сондай-ақ «Нысаналы капитал қорлары және эндаумент-қорлар туралы»

Қазақстан Республикасы Заңының күшіне енуіне арналды.

Кездесудің жұмысына жетекші сарапшылар, реттеуші органдардың өкілдері, кәсіпорын басшылары және екі елдің жоғары оқу орындарының эндаумент-қор директорлары қатысты.

Талқылау барысында мақсатты капиталдарды инвестициялау тетіктері, эндаумент-қорлардың қызметін реттейтін қолданыстағы заңнама талаптары, сондай-ақ саланың даму бағыттары мен перспективалары қарастырылды. Қатысушылар ашық пікірталасқа қатысып, фандрайзинг бағдарламасымен танысты.

Кездесудің екінші бөлімі эндаумент-қорларды жаңа заңнамалық талаптарға бейімдеу және олардың қызметін одан әрі кеңейту мүмкіндіктерін талқылауға арналды.