Білім саласы: 6B06 Ақпараттық-коммуникациялық технологиялар
Дайындық бағыты: 6В061 Ақпараттық-коммуникациялық технологиялар
Білім беру бағдарламаларының тобы: В057 Ақпараттық технологиялар
БББ мақсаты:
Жасанды интеллект саласында терең білімі мен дағдылары бар, әртүрлі қызмет салаларында ЖИ әзірлеу, қолдану және басқару міндеттерін сәтті шеше алатын жоғары білікті кадрларды даярлау.
Қалыптасатын оқыту нәтижелері:
- ОН1: Экономика, кәсіпкерлік, құқық негіздері, сыбайлас жемқорлыққа қарсы мәдениет және экожүйелер мен қоғамның тұрақты даму принциптері туралы білімін кәсіби қызметте қолданады.
- ОН2: Математикалық тұжырымдарды дәлелдеуде, деректерді статистикалық талдауда, математикалық модельдерді құруда, математикалық әдістер мен алгоритмдерді таңдауда білімін қолданады.
- ОН3: Кәсіби қызметте инновациялық әдістерді пайдаланып, ғылыми зерттеулер жүргізеді, баяндамалар мен ғылыми жарияланымдар дайындайды.
- ОН4: Құрылымдық және объектіге бағытталған бағдарламалау технологияларын қолдана отырып, оңтайлы қолданбалы бағдарламалар жасайды.
- ОН5: Заманауи әдістер мен құралдарды пайдалана отырып, талдау жүйелерінде шешім қабылдауды, жоспарлауды және болжауды жүзеге асырады.
- ОН6: Жеке тұлғаны тану процесінде биометриялық сипаттамаларды қолдана отырып, дәлдік пен қауіпсіздікті қамтамасыз етеді.
- ОН7: Желілік технологияларды, қауіпсіздік және деректерді қорғау әдістерін қолдана отырып, ақпараттық қызметтерді басқарады.
- ОН8: Мультимедиялық және бұлттық қосымшаларды әзірлеуде компьютерлік технологияны пайдаланады.
- ОН9: Жасанды интеллект технологияларын қолдана отырып, деректерді талдау және шешім қабылдау үшін бағдарламалық жасақтама әзірлейді.
- ОН10: Мехатронды және робототехникалық жүйелерді жобалайды және әзірлейді.
Кәсіби қызмет саласы (сферасы):
Ақпараттық және коммуникациялық технологиялар.
Кәсіби қызмет түрлері:
- Жобалық-конструкторлық қызмет: машиналық оқыту алгоритмдерін құру және жүйелерді жобалау.
- Өндірістік-технологиялық қызмет: визуалды бақылау және ақауларды болжау жүйелерін енгізу.
- Ұйымдастырушылық-басқарушылық қызмет: жасанды интеллект стратегиясын әзірлеу және тәуекелдерді басқару.
- Ғылыми-зерттеу қызметі: жаңа алгоритмдерді зерттеу және жетілдіру.
- Эксплуатациялық қызмет: ЖИ жүйелерін конфигурациялау және бейімдеу.
Кәсіби қызмет объектілері:
Машиналық оқыту, жасанды интеллект жүйелері, деректерді талдау жүйелері.
Оқыту бағытына лицензия нөмірі:
03.02.2010 ж., АБ 0137401, ҚР БҒМ 28.03.2019 ж. №299 бұйрығы
