«Экономика және менеджмент» кафедрасы

«Экономика және менеджмент» кафедрасы Алматы технологиялық университетінің құрылымдық бөлімшесі ретінде 1976 жылдың басынан бері жұмыс істейді.

Кафедра қызметінің негізгі мақсаты-экономиканың нақты секторы, мемлекеттік билік органдары үшін жоғары білікті мамандарды кәсіби даярлауды қамтамасыз ету; экономика, менеджмент, мемлекеттік және жергілікті басқару саласында негізгі құзыреттерді, білімдерді, дағдыларды қалыптастыру.

«Экономика және менеджмент» кафедрасы үлкен педагогикалық тәжірибесі мен жұмыс өтілі бар жоғары білікті кадрлармен жасақталған. Кафедрада оқу және ғылыми-зерттеу қызметін органикалық үйлестіретін жоғары кәсіби, шығармашыл, үйлесімді профессорлық оқытушылық құрам жұмыс істейді.

Қазіргі уақытта кафедраны PhD, қауымдастырылған профессор Саханова Гаухар Бахытқызы басқарады.

«ЭжМ» кафедрасының түлектері Қазақстан экономикасының түрлі салаларында: экономиканың нақты секторында, қаржы-банк жүйесінде, мемлекеттік қызметте, жоғары оқу орындарында, жеңіл және тамақ өнеркәсібінің жетекші кәсіпорындарында жұмыс істейді.