Конференцияға жақын және алыс шет елдердің ғалымдары, сала мамандары, мемлекет және қоғам қайраткерлері, бизнес-құрылымдары мен ҚР-ның БАҚ өкілдері қатысты.

Конференция барысында келесі бағыттар бойынша баяндамалар ұсынылды:

• Экологиялық қауіпсіз тағам өнімдерін өндіруге арналған шикізатты қайта өңдеудің инновациялық технологиялары. Агроөнеркәсіптік кешендегі Биотехнология және наноматериалдар;
• Жаңа буын өнімдерін өндіруге арналған ресурстарды үнемдейтін, қауіпсіз тоқыма технологиялары. Жеңіл өнеркәсіп өнімдерін жобалау тұжырымдамалары мен әдістері;
• Тағам және жеңіл өнеркәсіптің технологиялық процестері мен жабдықтары. Технологиялық процестерді инфокоммуникациялық басқару;
• Азық-түлік, жеңіл өнеркәсіп және қонақжайлылық индустриясының экономикалық өсу мәселелері. Туризмнің, мейрамхана және қонақ үй бизнесінің тұрақты дамуы;
• Білім берудегі инновациялық технологиялар.

Конференцияның пленарлық отырысында баяндама жасанған:

Ибрагимов Нариман Тугельбаевич – Алматы қаласы «Атамекен» КП төрағасының м.а. Баяндама тақырыбы: «Мемлекеттік қолдау шаралары».

Малгожата Корженёвска – т.ғ.д., профессор, Вроцлав экологиялық және биологиялық ғылымдар университетінің «Функционалдық тағам өнімдерін әзірлеу» бөлімінің басшысы. Баяндама тақырыбы: «Құс төс етін дайындауға арналған инновациялық функционалды қоспалар».

Цой Александр Петрович ¬– т.ғ.д., Алматы технологиялық университетінің «Өндірістік үдерістердің машиналары және аппараттары» кафедрасының профессоры. Баяндама тақырыбы: «Тағам өнеркәсібін жылумен және салқындатумен қамтамасыз ету жүйесіндегі заманауи ғылыми-экологиялық шешімдер».

Сондай-ақ, қонақтарға университет ғалымдарының инновациялық әзірлемелерін коммерцияландыру және Қазақстанның тамақ кәсіпорындары қызметкерлерінің біліктілігін арттыру бойынша жұмыстар жүргізілетін АТУ оқу-ғылыми орталықтары таныстырылды.

Іс-шараны ұйымдастырушы-АТУ ғылым басқармасы.