Интернационалдандыру тетігін іске асыру, сондай-ақ академиялық ұтқырлықты дамыту мақсатында Алматы технологиялық университеті білім алушылар, жас ғалымдар мен оқытушылар үшін тамақ өнеркәсібі, жеңіл өнеркәсіп, экономика, бизнес, Қонақжайлылық және туризм индустриясы, инжиниринг және ақпараттық технологиялар бағыттары бойынша «АТУ-2023 Халықаралық жазғы университетін» өткізу туралы хабарлайды.
Іс-шараның мақсаты осы салалардағы инновациялық технологиялармен таныстыру. Халықаралық жазғы университеттің қатысушылары жоғарыда аталған салалардың жетекші өндірушілерінен практикалық дағдылар мен пайдалы шеберлік сыныптарын алады.
Жазғы университетті ұйымдастыруға лекциялық және практикалық сабақтар өткізу үшін шетелдік лекторлар тартылды.
«АТУ-2023 Халықаралық жазғы университетінің» тыңдаушылары ZOOM платформасы негізінде қашықтықтан білім беру технологияларын қолдана отырып, дәстүрлі форматта, сондай-ақ онлайн режимінде қатыса алады.
Жазғы университеттің өту кезеңі 2023 жылғы 29 мамырдан 02 маусымға дейін.
Халықаралық жазғы университеттің барлық бағдарламалары сайтта қол жетімді https://atu.edu.kz/glavnaya-stranica/cooperation/summer-school.
(Сабақ кестесі, онлайн байланысқа сілтемелер халықаралық университеттің бағдарламаларында көрсетілген).
Жазғы университеттің оқу тілі – Орыс, Ағылшын (Pre-intermediate және одан жоғары деңгей).
Жазғы университеттің қорытындысы бойынша қатысушыларға Жас оқытушылар үшін 144 сағатқа сертификат, білім алушылар үшін 2 ECTS кредиті беріледі.
Қатысушыларды онлайн режимде тіркеу сайтта ашық https://forms.gle/XihNFufHRhwD9Q288 2023 жылдың 28 мамырына дейін
Толығырақ ақпарат алу үшін Халықаралық қатынастар және академиялық ұтқырлық Басқармасының қызметкерлеріне хабарласуларыңызды сұраймыз: +7 7787000419, interatu@gmail.com.