Екіжақты ынтымақтастықты нығайтуға және бірлескен ғылыми зерттеулер жүргізуге өзара мүдделілікті ескере отырып, «Алматы технологиялық университеті» мен «Ақпараттық және есептеу технологиялары институты» ШЖҚ РМК Меморандумға қол қойды.

Меморандумның мақсаты: білім және ғылым саласындағы бірлескен зерттеулерді дамыту, ғылыми-техникалық ақпаратпен алмасу, ғылыми жобаларды, мақсатты қаржыландыру бағдарламаларын әзірлеу кезінде ғылыми әлеуетті біріктіру және жоғары білікті кадрларды даярлау.

Қойылған мақсаттарды іске асыру үшін:

• өзара қызығушылық тудыратын салаларда ғылыми ынтымақтастықты орнатуға жәрдемдесу;
• ғылыми жобалар мен мақсатты бағдарламаларды орындау шеңберінде бірлескен зерттеулер жүргізу;
• озық ақпараттық технологияларды дамыту тәжірибесімен алмасу;
• жас ғалымдардың, докторанттардың және профессорлық-оқытушылық құрамның ғылыми біліктілігін арттыруға өзара көмек;
• жетекші зерттеулер бойынша жарияланымдар мен материалдармен алмасу;
• бірлескен ғылыми симпозиумдар, семинарлар мен конференциялар ұйымдастыру;
• академиялық қоғамды бірлескен зерттеу қызметі туралы хабардар ету;