17 маусымда Нұр-Сұлтан қаласында «Коммерцияландыру реакторы» іс-шарасы өтті

0 Comments

2022 жылғы 17 маусымда Нұр-Сұлтан қаласында «Коммерцияландыру реакторы» іс-шарасы өтті. Бұл «Атамекен» ҰКП мен ғылым және жоғары білім министрлігі жанындағы Ғылым Қоры ұйымдастырған екінші шара. Алаң жұмысының аясында қазақстандық ғалымдар медицина, АӨК, машина жасау, өңдеу өнеркәсібі салаларындағы 15 жобаны таныстырды.

Іс-шара барысында Қазақстанның ЖОО және ҒЗИ ғалымдары бизнесмендерге, кәсіпкерлерге және әлеуетті инвесторларға ғылыми идеялар мен әзірлемелерді ұсынды. Әрбір қатысушының міндеті 5 минут ішінде әлеуетті бизнес-серіктестерге олардың ғылыми әзірлемелерінің коммерциялық құндылығын жеткізу болды. Коммерцияландыру реакторына 15 спикер – ғалым, 40 – тан астам бизнес өкілдері, университеттер өкілдері, оның ішінде коммерцияландыру кеңселерінің қызметкерлері қатысты – барлығы 120-дан астам адам болды.

Таңдалған жобалардың бірі – ғарыш кеңістігінің суығын пайдалана отырып «Universe cooling» тоңазытқыш жүйесі. Жоба жетекшісі т.ғ.д., АТУ профессоры Цой Александр Петрович (Инжиниринг және ақпараттық технологиялар факультеті, «Өндірістік процестердің машиналары мен аппараттары» кафедрасы). Жоба тобының маңызды теориялық және эксперименттік негізі бар, ол оған жетекші әлемдік ғылыми-зерттеу ұйымдарымен бір мезгілде перспективалы бағытта зерттеулер жүргізуге, бірегей ғылыми нәтижелер алуға бұл мүмкіндік береді. Қазіргі уақытта АТУ ғылыми командасы ТМД елдерінде көш бастап тұр, сондай-ақ ғарыштық суықты пайдалана отырып, тоңазытқыш жүйелерін зерттеу бойынша әлемдік ғылымда танымал.